SAN ANTONIO

Sidan vi hadde fri i helga, nytta vi høvet til å reise på tur. David hadde bursdag på lørdag, så vi måtte jo finne på noko som var kjekt for han. Dessutan var det jo vel verd å feire at første veka på skulen har gått over all forventning. Alle tre har gleda seg til å gå på skulen kvar einaste dag, og er glade og fornøgde når dei kjem heimatt. Takk til alle som har tenkt på oss.

Valget for turen vart San Antonio og Seaworld!

Her er Houston Downtown med Houston Skyline!

Her ligg og det høgaste huset i Texas, som Oddbjørn og ungane  allerede har vore til topps i.

Her har eg køyrd!

For min del var det ikkje frivillig eg havna ut på der første gongen, det var skummelt. 

Det er 5-7 felt i kvar køyreretning og i ganske mange høgder og. Men det er visst bare å kaste seg utpå, så går det seg til etterkvart. Oddbjørn er blitt god allerede.

San Antonio er den sjuande største byen i USA. Den ligg nesten 4 timars køyretur frå Houston. 

Det var mykje flotte blomar å sjå langs vegkanten. Det er vår her og.

Ungane er veldig førnøgde med bilen vi brukar. Den har nemleg innebygde DVD spelarar i taket. 

Ja, vi køyrer nok litt meir standsmessig her enn vi har gjort heime dei siste åra....

SEA WORLD

Sea World i San Antonio var ein flott park med mykje kjekt å være med på.

Spekkhoggarshow og andre show imponerte både store og små.

Lurt å ikkje setje seg for langt framme, for der vart det skikkeleg spruting. Det synes David og Jakob såg så gøy ut at dei satt seg lenger fram, og jammen vart dei godt våte.

4D filmen var litt skummel, men veldig spanande, og jammen varrt vi våte her og.

Denne berg og dal bana tok David, Anna og Oddbjørn. Jakob var for liten. Den var visst kjempegøy, men ingen ville ta den ein gong til.....

Etter raftingtur nr 2 var alle kliss gjennomvåte. Jakob og David var veldig fornøgde med at dei havna under fossen!

Søndagen brukte vi Downtown i San Antonio. Der gjekk vi langs kanalane, kjempekoseleg. USA sitt svar på Venezia kanskje.

Det var skikkeleg varmt, så ein ispause måtte til!

FØRSTE SKULEDAG

PÅ

FIRST BAPTIST CHRISTIAN ACADEMY

I HOUSTON!

Anna bloggar!

Her står vi reiseklar:)

No skal vi på skulen (eg er litt nervøs)

No et vi frukost. nam nam

Her er Jakob,

 David,

Og her er meg.

No går vi med Pappa til skulen. Alle er litt spente.

Her sit eg i klassen min. Ho til høgre heiter Anna, og ho på tuppen av bordet heiter Jennye og ho som sit foran meg heiter Adelye:)

David bloggar!

Hei eg heiter David og her er eg i det nye klasserommet mitt 

og skal akkurat begynne min første time i Texas.

I begynnelsen av timen får eg noken tegneark

No kjem Jakob ilag med Alfred. Han hoppar og dansar hi hi hi:)

Då Jakob kom på skulen fekk han male, det liker han kjempegodt.

Karianne bloggar!

Som de kanskje kan sjå av bilder og tekst, så gjekk den første dagen på skulen kjempefint. 

Anna sa så fint då ho kom heim; - Det er nesten som eg gleder meg til i morgon, men bare nesten altså!

First Baptist Christian Academy er ein privatskule med 380 elevar frå barnehage til vidaregåande. Så det er små klassar med litt over 15 elevar i kvar klasse. Små og oversiktlige forhold med lærarar som birkelig bryr seg og ikkje veit kva godt dei kan gjere for elevane. 

Då vi kom på skulen hadde fleire av lærarane og rektor skaffa seg ein app på iphonen sim med eit norsk oversetjingsprogram. Det var visst aktivt i bruk iallefall i Anna sin klasse i dag. 

David hadde kanskje den største utordinga i dag, åleine i 2.kl. Men han kom heim med mange oppgåveark han hadde gjort. Eg lurte på korleis han hadde fått det til, jo han skjøna kva læraren sa for ho brukte kroppen og stemma! -Dessutan skjøna eg kanskje hundre, eller 91 ting i dag! Etter første dag er han optimist, og det er jo ein god start.

Jakob går no saman med ein Alfred som og bur her på sjømannskyrkja med oss. Dei er gode vener og Alfred hjelper Jakob med alt han treng å vite. Så då vi fulgte Jakob inn i dag, hadde han ikkje tid til å seie hade til oss ein gong. Han byrja no i kindergarden, men skal mest sansynleg byrje der til hausten også. KG er vel det som tilsvarer norsk 1.kl.

I går skreiv vi lappar med viktige setningar dei kunne få bruk for i løpet av dagen. Der sto det både på engelsk og norsk, og så kunne dei vise det til læraren ved behov. Det var eit godt tips Anna fekk frå ei anna norsk jente som kom for halvanna år sidan. Ein liten trygghet på ein spanande dag. Då dei kom heim heiv dei lappane, for dei hadde dei ikkje hatt bruk for, og tvilte på at dei nokon gong kom til å få bruk for dei. 

Eit godt teikn!

Då Oddbjørn henta dei stoppa dei på MC Donald og markerte at no er vi i gang. Då vart det både happy meal, is og masse leik. Då dei kom heim var dei i godt humør, men det var tydeleg mykje energi som skulle ut. Plutselig høyrde eg eit forferdelig bråk i 2.etasje og då var det 4 gutar som hadde skikkeleg putekrig. Eg sendte dei ut for å sykle, men like etterpå hadde dei fortsatt putekrigen hos naboen. På nytt vart dei sendt ut, og saman med fedrene laga dei dragar som dei flaug med.

I dag har det vore skikkeleg uvêr her, med masse regn, lyn og torden. Vi kan tydeleg sjå lyna som fer over himmelen i eitt sett. Men no i ettermiddag var det opplett. Fint med litt regn av og til, då blir det så grønt og fint, og mykje fine blomar.

Privatskule.

Mange vil nok synes det er litt morsomt at eg har borna mine på ein kristen privatskule, for eg er kanskje ikkje den som har gått i front for slike skular tidlegare. I prinsippet tenkjer eg framleis at det ideelle er å gå på ein nærskule saman med resten av borna i nabolaget.

Men vi fann vel ut at vi måtte stole på dei som har valgt vekk den offentlige skulen her i nabolaget og satsa på denne privatskulen. For å seie det slik, så er det veldig flott her vi bur, men det er ikkje byens beste strøk. Fekk akkurat forklart i dag at ein eller annan form for eiendomsskatt er med på å finansiere dei offentlege skulane. Det vil seie at der rikfolket, med store fine hus bur, også får meir pengar til dei offentlege skulane. Så då er det slik at på eine sida av by`n er det veldig gode offentlege skular og på andre sida av by`n er same skulen ikkje så mykje å skryte av. Så derfor privatskule på oss no.

Uniformar 

Som de ser på bileta er det uniform på skulen, og med ulike antrekk ulike dagar.

Mandag, tysdag og torsdag kan dei ha raud, grøn eller blå pikè-trøye og mørkeblå eller beige shorts. Hvis det er kaldt kan dei ha mørkeblå langbukse.

Onsdag er det Chapel-day, så då er det grønrutete skjorte og langbukse, uansett temperatur!

Fredag er Casual day, så då er det ei spesiell skule t-skjorte og dongeribukse, -shorts eller -skjørt.

Anna har nesten likt, men kvit skjorte og rutete skjørt om onsdagen.

Ungane synes det er stas med uniform, og så slepp vi nokon diskusjon om morgonen om antrekk.

Eg sjølv brukte jo og uniform når eg gjekk på skule i Ecuador, så for meg er det jo litt nostalgi med i bildet.

Men dei er strenge på at alle plagga må kjøpast på ein spesiell Parker uniform butikk. Det er ikkje lov med nokre billigare kopiar. Så for å seie det sånn så gjekk det nokre tusenlappar bare for dette dei treng no framover. Til hausten må vi kjøpe litt meir til vinteruniformen, dvs langbukser og gensarar.

ANNA BLOGGAR!

I dag har vi vert på stranda i La Porte og bada. Det var veldig gøy!  Du kan vel sjå på handduken kor mykje det blåste!

I går var vi og kjøpte flytemadrasser og flytebrett. Og når det blåser blir det jo gigantiske bølger. Vis du ser det? Og når vi ungane hadde vert der ei stund så kom Pappsen uti (eg trur han hadde det like gøy som oss).

Pappsen kasta oss ut på bølgjene, og då for me heilt inn på stranda. Og når me hadde komt inn sprang me uti att så fort me kunne. Sånn holdt me på veit du.

Her grislar me på ser du. For no skjønte me korleis me sku gjera det. Ut inn ut inn ut inn osv. 

Så hadde me ein liten pause og spiste litt. . . . .

Også var det ut igjen. Jakob var først og så kom David og til sist var det meg! Oppå brettet, inn i bølga, og fyk innover. Hi hi hi.

No skal me spisa middag. Nam nam. Her sit me og et middag ute. Eg skal få kotelett, jippi. Og David skal få maiskolbe.:)

JP MORGAN CHASE TOWER

I dag har Jakob, David, Anna og Oddbjørn vore oppe i det høgaste huset i Houston.
Det var stor stas og veldig god utsikt. 

Bygningen har 75 etasjer og er 305,41 m høg. 

Det er den høgaste bygningen i Texas og den høgaste 5-kanta bygningen i verda!

I år vart det ein lang og god påskeferie for ungane. Planen var at dei skulle ha byrja på skulen 9.april. Då vi besøkte skulen den første veka vi var her fekk vi beskjed om at skulen ville at dei kom ei veke seinare. Grunnen var at dei har ulike testar heile denne veka, og då var  det jo ikkje så mykje vits at dei satt der og ikkje skjøna nokon ting. 

Så då må vi finne på andre ting. Medan eg jobbar aktiviserer Oddbjørn seg sjølv og ungane. Han er sjukemeld ut månaden på grunn av at han hadde ein operasjon i skuldera veka før vi reiste. Det passar jo igrunnen fint no når skuleferien vart så lang.

Dei har vore ein tur i dyreparken. Det var veldig kjekt.

og så badar dei mykje i det flotte bassenget på sjømannskyrkja. Det har dei stort sett for seg sjølve.

Den dagen bassenget vart reinsa herja dei og leika i vannspredaren. Gøy det òg!

Galvestone er ein by som ligg ved Mexicogulfen, der er det flotte strender. Den første lørdagen reiste Oddbjørn og ungane dit saman med Fredrik, Alfred og Thea som og bur her på Sjømannskyrkja. Det tar ca ein time å køyre dit. Det var jo deilig med sol og varme då vi kom frå Norge, og Oddbjørn var ikkje så flink å smørje seg... For å seie det sånn har han skifta hud på ryggen etter den turen...

Så har vi ei strand det berre tar 20 min å køyre til, og der fekk eg og være med i helga. Eg synes det var fint der,  og så deilig at det ikkje er så langt å køyre. Då går det an å ta ein tur og ikkje bruke heile dagen. Men det var visst mykje større bølger i Galvestone, og det er jo gøy.

PÅSKEFEIRING

Påska har vore ei travel tid for min del, med mange arrangement og gudstenester og matlaging på kyrkja. Veldig kjekt å treffe mange hyggelige menneske. Vi har kosa oss heime med eit kjempestort påskeegg fullt av snop som vi fekk med oss frå Norge. Vi har mala påskeegg og hengt opp på nokre kvister som vi fann ute. Men det kjekkaste var jo å få være med på den amerikanske tradisjonen med "Egg-hunt". Då gøymer dei hundrevis av plastegg med litt snop i rundtomkring på heile kyrkjetomta. Alle borna må ha med seg korger som dei skal plukke egga i. Ungane har kjøpt seg kvar si. Så åpner dei dørene og alle borna spring ut og fyller korgene sine med egg. Det var veldig gøy. Ein artig tradisjon som vi nok må ta med oss heim att til Leknes! 

Første Veka i Houston.

Ja då er vi vel framme i det som skal være vår nye heim i Houston, Texas dei neste tre åra. Vi har blitt tatt vel imot av både store og små på Sjømannskyrkja. Borna kosar seg med bading i bassenget og syklar rundt på dei nye syklane sine. Innimellom må dei være med på handleturar, det er mykje som skal i hus når ein er heilt ny. Det er ikkje bare enkelt å finne fram i desse megastore butikkane som har alt mellom himmel og jord. Men det går seg nok til. I dag har vi vore på besøk på skulen der borna skal gå og dei har fått møte klassekameratane sine. Det er enno to veker til dei skal byrje på skulen, grunna testing-week på skulen. Det var eit positivt møte med skulen, men dei er sjølvsagt veldig spente, spesielt med tanke på språket. På lørdag har eg min første dag på jobb, og då blir det grautkoking, brødbaking og vaffelsteiking. Gleder meg til å treffe nokre av dei menneskene som bruker Sjømannskyrkja. Oddbjørn og borna drar på stranda. Om kvelden har Oddbjørn fått tak i billetter til seg og gutane til eit stort supercrossløp i Houston.
Gitt kven som gleder seg mest?

Klikk her for ein liten atikkel på sjømannskirkens nettside:
http://www.sjomannskirken.no/houston/aktuelt/2012/03/familien-angelskar-har-ankommet-houston

Familien Angelskår har ankommet Houston / Aktuelt / Houston / Sjømannskirken

www.sjomannskirken.no

Karianne og Oddbjørn landet i går ettermiddag