Klar for mitt første mc treff i USA

Var på eit CMA treff i helga:

Changing of the Colors Rally 

National Event 

Location: Iron Mountain 

Hafield,  Arkansas 

Her fekk eg vere med på åpningen av det nye multipurpose bygget til CMA.

Eit kjempefint bygg med  flott kapell kontorer lydstudio/multimediarom

konferanserom og mange flotte kontorer.

Har ikkje så mange bilde frå treffplassen,men her er et frå oppstillinga til paradekjøring 

Har aldri sett så mange trehjulingar, 

det må ha vore minst 100 ombygde Harlyer og Goldvinger.

(det var ca2800 på treffet)

Det var 63 mile å kjøra og når eg syntes eg hadde kjørt langt 

(eg kjørte opp på torsdag og heim på søndag)

Så var det enda langt igjen...

Men eg hadde ein fin tur på lørdag frå ein liten by som heiter

 Mena og gjennom ein nasjonalpark til nabostaten Oklahoma.

Her var det både svingar og opp og nedoverbakkar.

                         

Har og fått lufta krossaren litt, på ei bane 35 min kjøring sør for Houston.

Er endå litt varmt her men det kjem seg snart..

JULEMATEN ER I HUS!

Første helga i november er det Julemarked her på Sjømannskyrkja. Årets største happening og viktigaste inntekstskilde for kyrkja. Då kjem det fleire tusen menneske innom kyrkja i løpet av tre dagar. Dei vil m.a.ha norsk julemat, norske kaker og smørbrød og norsk julepynt og håndarbeid.

I ettermiddag, akkurat når vi hadde satt oss til middagsbordet banka det på døra og alle måtte kome og hjelpe. No kom bilen med julematen og den måtte på kjølen og frysen så fort som mogleg. Så då måtte både store og små hjelpe til. 

   

Kasser på kasser med pinnekjøtt, laks, lutefisk, medisterpølser, medisterkaker, reker, svineribbe, rullepølser og mykje anna godt. Alt dette sel vi i butikken vår.

Som de skjønar, det er ikkje synd på oss. Vi får tak i det meste vi skulle ha bruk for til jul. 

Eit litt anna utgangspunkt for å kunne feire norsk jul her i Houston enn eg har hatt i f.eks Bangladesh og Ecuador. Men maten er jo ikkje alt, og så er det jo gøy å få med seg litt nye Amerikatradisjonar.